Каржы полициясынын басма сөз кызматы тараткан маалыматка ылайык, “Карасуу-Даназык” АКнун жетекчиси И. Исраилова менен кампа башчысы З. Сооронованын үстүнөн 507 миң 600 сомду максатсыз жумшаган деген айып менен буга чейин эле кылмыш иши козголгон. Тергөө учурунда өткөн жылы мамлекеттик сатып алуулар жана матрезерв боюнча мамлекеттик агенттик тарабынан “Карасуу –Даназык” АКна 605 тоннадан ашуун буудай жиберилгени, аталган АК жетекчилиги жеке адамдар менен жең ичинен сүйлөшүп алып, буудайдын сатылышы боюнча жасалма келишим түзгөндүгү кошумча аныкталган. “Карасуу –Даназык” АК жалпысынан мамлекетке 9 млн сом зыян келтирген. (ZKo)
11:50 “Карасуу –Даназык” АКнун жетекчилиги мамлекетке ири өлчөмдө зыян келтирген деп айыпталууда
