«Ата Мекен» саясий партиясынын тизмесине 98 талапкер кирген. Шайлоо Кодексине ылайык ички иштер министрлиги ар бир партия сунуштаган тизмедеги талапкерлердин жарандыгын, соттолгон-соттолбогондугун эки күн ичинде аныктап бериши керек. БШКнын кечки маалыматына караганда, «Ата Мекен» партиясынан башка бир да партия толук тизмесин бере элек. Шайлоого катышуу ниетин мурда билдирген 50 саясий партиянын экөө - «Экономикалык кайра жаралуу», «Элдик Биримдик» партиялары шайлоого катышуудан баш тартышты. (BuS)
