Иш сапардын учурунда Неграпонтье президент Первез Мушарафты өзгөчө кырдаалды токтотууга ынандырат деп болжолдонууда. Мунун алдында үй камагында отурган оппозиция лидери Беназир Бхутто бошотулгандыгы кабарланды. Кечээ президент Первез Мушараф парламент төрагасы Мохамадмиан Сумрону премьер министрликке дайындады. Ал парламенттик шайлоого даярдыкты камсыз кылат. Шайлоо 9-январда өтөөрү мурда маалымдалган. Оппозиция Мушарафтын кетишин талап кылган акцияларды тынымсыз өткөрүп келатат.
