Ушул айда Өзбекстандын түрмөлөрүндө каза тапкан эки адамдын денесинде кыйноонун издери болгон

Бул тууралуу “Ассошейтед пресс” агенттигине өзбек укук коргоочулары билдирди. Каза болгон эки айыпкер 2005-жылы Анжияндагы коогалаңдан кийин террорчу деген шек менен камакка алынган. Өзбекстандын ички иштер министрлиги азырынча буга байланыштуу билдирүү жасай элек. Батыш өлкөлөрү өзбек президенти Ислам Каримовду адам укугун бузууда деп айыптап келгени белгилүү.