Ички иштер министрлигинин маалыматына караганда, опузалап акча өндүрдү деген айып менен июль айында камакка алынган кикбоксинг боюнча дүйнөнүн эки жолку чемпиону Ж. Амантаевдин камактан качып кетиши ( ал төрт күндөн кийин кайра кармалган) кызматтык иликтөө жүргүзүүнү шарттаган. Иликтөөнүн тыянагында бул иш боюнча милициянын бир нече кызматкери тиешеси бар деп табылган. Натыйжада бир жооптуу кызматкер кызматынан бошотулуп, төртөө милиция кызматынан чыгарылган. Булардан тышкары 11 кызматкер түнкү күзөт маалында сергек иштебегендиги үчүн дисциплинардык жаза берилди. (BuS)
