Эртең шаардык кеңештин депутаттары кезектеги отурумунда Бишкекте пикет, митинг өңдүү акцияларды өткөрүүгө атайын жерди белгилөө маселесин карашмакчы. Мындай сунуш Бишкек мэриясынын түшкөн. Мэрия нааразылык чараларды Алатоо аянтында эмес, Жибек жолу проспектиси менен Жаш гвардия көчөлөрүнүн кесилишинде өткөрүүнү сунуштоодо. Буга чейин мындай жер катары Максим Горькийдин айкели турган аянт белгиленген. Укук коргоочулар бул токтом жарандардын конституциялык укугуна каршы келерин билдиришип, шаардык кеңештин эртеңки жыйынына катышканы жатышат. (EBM)
