Бул тууралуу “Азаттыкка” партиянын лидери Эркин Бөлөкбаев билдирди. Соттун кечээки отурумунда БШКнын отурумунан тартылып алынган видео тасма көргөзүлмөк, бирок Биринчи май райондук соттун судьясы Мадина Давлетбаева аталган тасма качан жана ким тарабынан тартылганы белгисиз деген негизде аны көрүүдөн баш тартты. “Жашылдар” партиясы БШКны сотко берип, анын “Акжол” партиясынын тизмесин каттоо тууралуу чечимин жокко чыгарууну суранууда. (MSu)
