Биринчи арызында партия БШКнын Жашылдар партиясынын тизмесин каттабай коюусун жана ал чечимди Биринчи май райондук соту күчүндө калтыруусун жокко чыгарууну Жогорку Соттон өтүнгөн. Арыз жекшемби күнү берилген. Бүгүн, дүйшөмбү күнү бериле турган арызда “Ак жол” партиясынын катталуусун жокко чыгаруу өтүнүчү билдирилмекчи. Белгилүү болгондой Жашылдар партиясы Биринчи май райондук сотуна берген арызында “Ак жол” партиясынын талапкерлеринин тизмеси Кодекстин талаптарын бузуу менен түзүлгөнү көрсөткөн. Бирок райондук сот арызды канааттандыруудан баш тарткан. (AiT)
