Түркмөнбашы Каспий деңизинин жээгинде туристтик эс алуу жайын куруу боюнча бир нече млрд. долларлык долбоордун иштешине жол ачып берди. Президент Гурбангулы Бердымухамедов инвестициялык форумда ушул долбоорго бир нече чет өлкөлүк компаниялар 4 млрд. доллар инвестиция берерин айткан. Аталган долбоордо 60 мейманкана, ресторандарды, спорттук машыгуу жайларын жана ири соода дүкөндөрүн куруу каралган. Бул эс алуу жайы Түркмөнстандын борбору Ашхабаддан 700 км. алыс аралыкта курулмакчы.
