Бул тууралуу бүгүн борбор калаа мэри Данияр Үсөнов нефтетрейдерлер менен болгон жолугушууда билдирди. Анын айтуусунда бүгүнкү күндө май куюучу бекет ээлери жер үчүн ижара акысын 12 миң сомдон төлөшөт. Данияр Үсөнов азыркы шартта бул өтө эле аз болот деп эсептейт. Ал ар бир майбекет кирешесине жараша ижара акы төлөй турган кылып, шаардын аймагын шарттуу түрдө 20 бөлүккө бөлүүнү сунуштады. Мындан тышкары мэр жергиликтүү салыктын түрлөрүн азайтууга макул экендигин билдирди, деп кабарлайт шаардык мэриянын маалымат кызматы. (ZKo)
