Буга байланыштуу сот иши бүгүн Бишкектеги райондор аралык сотто жабык каралды. Айкөл Манас жана Сергий Радонежский атындагы фонддун жетекчиси Игорь Трофимовдун “Азаттыктын” кабарчысына билдиргени боюнча ишти карап жаткан сот Ирисов бул иш саясий мүнөздөгү иш экендигин белгилеп, өлкөдөгү саясий кырдаалга байланыштуу ишти жаңы жылдан кийин кароону сунуштаган. Бирок доо арыз берген тараптын каршылыгы менен сот ишти кароону 25-декабрга белгиледи. Бул күнү боло турган сотко үчүнчү тарап катары президент Курманбек Бакиев да келүүгө сот тарабынан милдеттендирилди.(ZKo)
17:00 “Манас” аскердик базасына каршы доо арызды кароочу сотко президент К. Бакиев дагы чакыртылды
