Грузиянын соту көз карандысыз телекомпаниянын камакка алынган мүлкүн чыгаруу жөнүндө чечим чыгарды. "Имеди" телеканалы жакынкы күндөрү обого чыга баштайт. Ноябрда грузин бийлиги оппозиция менен болгон тирешүүдөн кийин аталган каналдын ишин токтоткон. Батыш өлкөлөрү бийлик өкүлдөрүн келерки жылдын 5-январында өтө турган президенттик шайлоого чейин аталган каналды обого чыгарууга үндөшкөн.
