Облустагы жергиликтүү бийлик үгүт иштерине аралашып жатканы үчүн бейөкмөт уюмдар түшүндүрүү иштерин баштады. Бул туурасында Чүйдөгү эч бир партияга кирбеген бир катар бейөкмөт уюмдардын өкүлдөрү «Азаттыкка» билдиришти. Алардын айтымында, жергиликтүү бийлик өз мүмкүнчүлүгүн колдонуп, «Ак жол» партиясына үгүттөөнү дале улантып жатат. Ошол себептүү айрым бейөкмөт уюмдар өздөрүнчө демилге көтөрүп, айыл- айылдарды кыдырууну баштады. Алар шайлоодогу административдик колдоолор туурасында кеңири түшүнүк берүүнү максат кылышууда. Бирок Чүй облусунун губернатору Кубанычбек Сыйданов бул шайлоодо жергиликтүү бийлик эч кандай административдик чара колдонбой турганын «Азаттыкка» берген маегинде белгилеген. Бейөкмөт уюмдардын түшүндүрүү иштери келээрки жумага чейин уланат. (JJ)
