Бул туурасында укук коргоочу Төлөйкан Исмаилова «Азаттыкка» билдирди. Учурда Кемин шайлоо комиссиясынын төрайымы болуп турган Елена Иманкулова мурдагы депутаттык шайлоодо жасалма бюлеттендерди колдонуп, бийлик жактаган бир талапкердин кызыкчыгына иштегени үчүн четтетилген. Ал айымдын кайрадан төрайым болуп шайланышы мурдагыдай эле административдик колдоонун болушунан кабар берет, деди Төлөйкан Исмаилова. Ал эми БШКнын мүчөсү Жеңиш Акматов Кемин шайлоо комиссиясынын төрайымын алмаштыруу жөнүндө облустук шайлоо комиссиясына бүгүн кайрылуу кылганын «Азаттыкка» билдирди. (JJ)
17:08 Кеминде мыйзам бузууга баргандыгы үчүн мурда четтетилген адам шайлоо комиссиясына кайра жетекчи болду
