8:58 Биринчи май райондук соту «Кылым шамы» уюмунун БШК каршы берген доо арызы боюнча чечимди бүгүн угузат

Өкмөттүк эмес уюмдун сотко кайрылуусуна БШКнын баракчаларында так эместиктер себеп болгон. Тактап айтканда, бир миллион нускада чыгарылган баракчада 16-декабрда шайлоо участкалары эрте менен саат 8:00 ден кечки саат 22:00 чейин ачык болот деп жазылган. Бирок бул Кодекске каршы келет. Кодексте шайлоо участкалары кечки саат 20:00 жабылат деп көрсөтүлгөн. Соттук териштирүүдө БШК катачылыкты мойнуна алды, деп кабарлаган «Демократия жана атуулдук коом үчүн « коалициясынын жетекчиси Динара Ошурахуновa, сот чечимин жума күнү угузууга калтырганын кошумчалады. (AiT)