НАРЫН. ЕККУ аркылуу 15-декабрга карата Нарын облусуна 20 эл аралык маанидеги байкоочу келгендиги белгилүү болду. Ал эми Демократия жана жарандык коом үчүн коалициясынын облустук өкүлчүлүгү дубандагы бардык 162 участкага 200 байкоочу даярдагандыгын билдирди. Мындан сырткары облустук коомдук уюмдарды колдоо борбору 62, жергиликтүү “Тынчтык”, “Соопкер”, “Нуржолбер” өкмөттүк эмес уюмдар 170 ашуун байкоочуларды жер-жерлерге жибергендиктерин маалымдашты. Ал эми 29-ноябрдан бери ЕККУнун узак мөөнөттү эки байкоочусу Нарын облусунда байкоо жүргүзүп келүүдө. (KUs)
