“Бейөкмөт жана коммерциялык эмес уюмдар” ассоциациясынын төрайымы Т. Үмүталиева “Азаттыкка” кабарлангандай, №1049 шайлоо участкасында эки саат аралыгында кошумча тизме менен 27 адам добуш берди. “Алар шайлоочулардын жалпы тизмесине кирбей калган экен. Эки сааттын ичинде тизмеге кирбей калган ушунча адам кайрылганы кооптуу жагдайды түзүүдө. Бул көп адамдар тизмеге киргизилбегенин көрсөтүп турат”, дейт укук коргоочу. Аталган уюмдун байкоочулары №61 мектепте шайлоо участкасында “атамкенчилердин” байкоочуларын киргизбей жатканын айтышууда.(MSu)
