Каракол шаарынын №160 шайлоо участкасында Бишкек шаарынын тургундары, же болбосо паспортунда жашаган жери аныкталбаган кишилер топ болуп кирип добуш берип атканда кармалды. 10 мүнөт ичинде эле паспорту туура эмес эки аялга бюллетень бергенин комиссия мүчөлөрү дагы мойнуна алышты. Ал эми Исакова көчөсүнөн Тамара Деркенбаева паспорту, каттоосу туура болсо дагы тизмеде жоктугунан шайлоого кирбей калганына нааразы болду. Тизмеге негизсиз кирбей калган шайлоочулар жөнүндө Караколдо шаарында эле саат он бирге чейин 40-50 факты катталган. (RB)
