Бүгүн аталган уюмдун өкүлдөрү маалымат жыйын куруп, сексенге жакын шайлоо участкаларында байкоо салышкандыгын жана анда олуттуу мыйзам бузуулар болбогондугун айтышты. Ошол учурда залда отурган “Кылым шамы” уюмунун жаш мүчөлөрү, “Эркин муун” либерал жаштар альянсынын, “Жебе” жаштар кыймылынын, “Ата Мекен” партиясынын жаштар канатынын, “Дилгир” жана башка жаштар уюмдардын өкүлдөрү бул айтылгандарга нааразы болушуп, шайлоо массалык одоно мыйзам бузуулар менен коштолгонун көзгө илбей жатасыңар деп айыпташты. (EBM)
