Орусиянын Тышкы иштер министрлиги эгерде Косово көз карандысыздыгын бир тараптуу жарыяласа, бул аймакта баш аламан кризис кайрадан пайда болорун эскертти. Министрлик тараткан билдирүүдө АКШ менен Евробиримдиктин айрым өлкөлөрү аймактагы көпчүлүктү түзгөн албандардын сепаратисттик маанайын колдоп, Косово менен Сербия ортосундагы сүйлөшүүлөрдү жандандыруу сунушун четке кагып жатканы айтылат. Билдирүүдө Косовонун көз карандысыздыгы башка талаштуу аймактар үчүн улануу ыктымалдыгын жараткан тескери көрүнүш болору эскертилген.
