Жергиликтүү кабарчыбыздын маалыматына караганда, “Ата Мекен”, “Ар Намыс”, Эрк” жана “Асаба” партияларынын облусттук штабдары 20-декабрда Ысыккөл облусунун ар бир районунда акимчилик жана шайлоо комиссияларынын имараттары алдында пикетке чыгышмакчы. Өздөрүн “Оппозициялык күчтөрдүн бирикмеси” деп атаган демократиялык кыймыл шайлоого байкоо жүргүзгөнүн, бирок шайлоо комиссияларынын жыйынтыгы алардын өздөрүнүн жыйынтыгы менен дал келбей калгандыктан, бир топ райондордо бюллетендерди кайра карап чыгууну талап кылышмакчы. Эгерде талаптар аткарылбаса, анда алар Балыкчы-Тоң-Каракол жолун кайра тосо тургандыктарын айтышкан. (TD)
