“Кылым шамы” бейөкмөт уюмунун жетекчиси Азиза Абдурасулова шаардык кеңештин митинг-пикеттерди өткөрүүгө тыюу салган токтому мыйзамга да, Конституцияга да каршы келет, бул тууралуу биз мурдатан эле айтып келгенбиз, деген пикирин “Азаттыкка” билдирди. Анын айтуусунда Башмыйзамда жарандар тынч чогулуп, өз ойлорун айтууга укук берилген. “Бирок бүгүнкү бийлик мыйзамга деле карабай калды. Ошондуктан, Биринчи Май райондук соту “Мен ишенбейм..” аттуу нааразылык иш-чарасынын катышуучуларын жоопко тартса, буга таң калбай эле коюуга болот,” дейт укук коргоочу. (ZKo)
