«Ыңгайсыз суроолор» телекөрсөтүүсү алдын-ала чакырылган коноктор келбей калгандыгына жана башка себептерге байланыштуу бүгүн кечинде улуттук сыналгыдан чыкпай калды. Бул сапар «Ыңгайсыз суроолорго» мурдагы мамлекеттик катчы, «Ак жол» партиясынын лидерлеринин бири Адахан Мадумаров менен «Атуулдар коррупцияга каршы» бейөкмөт уюмунун төрайымы Төлөйкан Исмаилова чыкмак болчу. Анда 16-декабрда өткөн парламенттик шайлоо жана андан кийинки кырдаал талкууланмак. УТРК жетекчилиги бизге маалымдаганына караганда, «Ыңгайсыз суроолордун» жаңы чыгарылышы улуттук сыналгыдан эртең 20-декабрда саат 21.05 те обого чыгарылмакчы. Ага кимдер катышарын эртен жаңылыктардан алдын-ала кабарлайбыз. (KCh)
