Укук коргоочулар Төлөйкан Исмаилова менен Назгүл Турдубекованы жана жаштар уюмдардын, партиялардын жаш канаттарынын ондон ашык өкүлүн милиция 20-декабрда мыйзамсыз нааразылык иш-чара уюштурду деген кине менен кармап кеткен. Кармалгандардын ишин Биринчи май райондук соту карап, айрымдарын беш-жети күнгө эркинен ажыратып, кээ бирлерине акчалай айып салган. Бишкек шаардык соту 22-декабрь күнү кечинде аларды Жарандык кодекстин 598-беренесине ылайык бошоткон болчу. Бул берене боюнча айыпталып жаткандар сот чечимине макул болбой жогорку инстанцияларга даттанган убактан тарта камактан бошотулууга тийиш. (EBM)
