Бир катар саясий партиялардын, коомдук уюмдардын өкүлдөрү биригүү жолдорун талкуулаган кечээки жыйындын натыйжасында бүгүн ушундай кыймыл түзүүнү чечишти. Азырынча ага 8 саясий партия, 10 коомдук уюм кирди. Алардын арасында «Ата Мекен», «Ар намыс» «Асаба», «Таза коом» «Жашылдар» сыяктуу партиялар бар. Учурда уюштуруу комитети түзүлүп, кыймылдын иш-аракеттерин талкуулоодо. Кыймылдын уюштуруучуларынын бири Темир Сариевдин «Азаттыкка» билдиргенине караганда, кыймыл жакында өткөн парламенттик шайлоонун жыйынтыгын тааныбайт жана акыйкат, калыс шайлоо өткөрүү максатын көздөйт. (SM)