Көз карандысыз байкоочу Бурул Усманалиева Грузияда бүгүн өтүп жаткан президенттик шайлоого Кыргызстандан байкоочу катары көз салып жүрөт. Анын айтымында түшкө чейинки грузин шайлоочуларынын активдүүлүгү өтө жогору болду. Азырынча олуттуу мыйзам бузуулар байкалбаганы менен шайлоочулардын көбү өздөрүн тизмеден таба албай жатышы наарызылык жаратууда. Кыргыз байкоочусунун билдиргенине караганда өлкөдөгү жаштардын көбү Михаил Саакашвилини колдогон маанайда. Ал эми орто муун өкүлдөрү ноябрдагы митинг маалындагы уруп-согууларды кектеп, оппозицияга ык койгондой. (EKa)
