Буга байланышкан мыйзамды бүгүн Жогорку Кеңеш кабыл алды. Мунун себебин парламентте каржы министри Тажыкан Калимбетова эки баскычтуу бюджеттик башкарууга өтүү эртелик кылары, кадрлардын даяр эместиги менен түшүндүрдү. Министрдин айтымында, эсеп палатасынын акыркы текшерүүсү боюнча жер-жерлерде 100 млн. сом максатсыз пайдаланылган. 10-январда депутаттарга жана парламентке кайрылуусунда президент Бакиев эки баскычтуу бюджет жөнүндөгү мыйзамды кескин сынга алган. Мындай мыйзам мурдагы Жогорку Кеңеш тарабынан былтыр кабыл алынган. (BuS)
