Израилдин тышкы иштер министри Ципи Ливни жана Палестинанын мурдагы премьер-министри Ахмед Кури Иерусалим шаарынын келечеги, палестин качкындарынын тагдыры жана чек аралар өңдүү маселелердин тегерегинде сүйлөшүүдө. Өткөн жумада АКШ президенти Жорж Буш Израил жана Батыш жээкте иш сапары менен болуп, тараптар бир катар татаал маселелер боюнча мунасага жетерине үмүт арткан. Анын аралыгында президент Буштун Жакынкы Чыгышка сапары уланууда. Жекшемби күнү Абу-Дабиде сүйлөгөн сөзүндө Буш Иранды террорчулуктун башкы демөөрчүсү деп атады.
