Кениянын парламенти массалык нааразылыкты жараткан президенттик шайлоодон кийин алгачкы сессиясын баштады. Оппозиция парламенттин жыйынына катышып, президент Мваи Кибакинин кайрадан шайланышына каршы боло тургандыгын билдирди. 27-декабрдагы президенттик шайлоодо азыркы президент Мваи Кибаки жеңишке жеткени маалым болгондо, оппозиция шайлоо бурмалоолор менен өткөнүн билдирип, өлкөдө массалык баш аламандыктар орун алып, кагылышуулардан 600дөн ашуун адам набыт болгон.
