Бул тууралуу Ирактын коргоо министри Абдел Кадер билдирди. “Нью-Йорк Таймс” гезитине берген маегинде, министр Кадер 2018-жылга чейин эл аралык күчтөрдүн жардамысыз ирактыктар өз алдынча чек араларын коргой албай тургандыгын айтты. Кадердин айтымында, өкмөттүк аскерлер 2012-жылдан кийин гана өлкөдөгү кырдаалга көзөмөл сала алат. “Нью-Йорк Таймс” гезитинин маалыматына ылайык, коргоо министри Абдел Кадер ушул тапта АКШда Ирак армиясын аскер техникасы менен камсыз кылуу багытындагы сүйлөшүүлөрдү жүргүзүүдө.
