Бул акция Бишкек мэриясынын алдында бүгүн түштөн кийин саат үчтөн төрткө чейин өтмөкчү. Аны уюштуруп жаткан «Тынчтык – маданият жарыгы» коомдук уюмунун жетекчиси Максим Кулешовдун айтымында, бул бийликти бир адамдын ээлеп алышына, өткөн парламенттик шайлоого жана тынч митинг-пикеттерге тыюу салган чечимге каршы багытталган акциялардын алгачкысы болмокчу. Аталган уюм 7-январдан 3-февралга чейин мындай акцияларды өткөрөөрү тууралуу шаар бийлигине билдирген. (SM)
