Ал “Демократияны колдоо” деген аталыштагы иш-чарасын шаардык мэрия имаратынын алдында өткөрүп жаткан. Колунда “Дусик, сеники туура эмес!” деген плакаты бар болчу. Пикетти жалгыз өзү баштап жаткан учурда, милиция кызматкерлери аны кармап кетишти. Орган кызматкерлери Максим Кулешовдун камакка алынышын, Ленин райондук акимиаты ага уруксат берген эмес деп негиздешти. Ал эми Ленин райондук администрациясы Максим Кулешов иш чара өткөрөөрүн он күн мурда билдирүүгө тийиш эле, бирок ал 14-январьда кайрылган деген жүйөө менен ага уруксаат бербей койгон. (ESu)
