Ал ошондой эле аны кармап кеткен милиция кызматкерлеринин үстүнөн Башкы прокуратурага арыз жолдоорун айтты. “Тынчтык –маданият жарыгы” коомдук уюмунун жетекчиси Максим Кулешовду 16-январда Бишкек мэриясынын алдына демократияны колдоо акциясына чыккандыгы үчүн милиция кызматкерлери күч менен кармап кетишкен. Анын айтымында, Ленин райондук сотуна алып барышкан тартип коргоо кызматкерлери аны ур-токмокко алышкан. Ленин райондук ички иштер бөлүмү тарабынан Кулешовго административдик материалдар туура эмес түзүлгөндүгүнө байланыштуу укук коргоочу Азиза Абдырасулова бул ишти өндүрүшкө киргизбөөнү соттон өтүнгөн. Сот анын өтүнүчүн канаатандырып Кулешовго байланыштуу ишти артка кайрыган (AJ)
