Апрель митингдери учурунда массалык баш-аламандыкка катышкан деген айып менен Биринчи май райондук соту тарабынан А. Сейталиев, Ж. Абдиев, Э. Акназаров жана Ж. Кенжетаев 4-4,5 жылга эркинен ажыратылышкан. Жабырлануучулардын жакындарынын жана адвокаттарынын арызы менен ишти кайра караган Бишкек шаардык соту А. Сейталиевди, Ж. Абдиевди жана Э. Акназаровду камактан бошотту, деп кабарлайт “Эл аралык толеранттуулук үчүн” коомдук уюму. Ал эми Жылдызбек Кенжетаевдин буга чейин да ээнбаштык үчүн соттолгондугун эске алып, ага карата райондук соттун чечими күчүндө калтырылды. (ZKo)
