Беларусияда Мухаммед пайгамбарды мазактаган сүрөттөрдү жарыялган “Згода” гезитинин мурдагы редакторуна сот өкүмү чыгарылды. Александр Сдвижков диний араздашууга жол берген деген айып менен үч жылга эркинен ажыратылды. Мазактаган сүрөттөр “Згода” гезитинде 2006-жылы жарыяланган. Айыпталуучунун адвокаты Минск шаардык сотко аппеляциялык арыз менен кайрыла турганын билдирди.
