Сербия президентинин милдетин аткаруучу жана президенттик кызматка талапкер Борис Тадичтин пикиринде, Сербия Европа Биримдиги менен биргеликте өнүгүү, же кайрадан изоляцияда калуунун- бирин тандап алуунун алдында турат. Өткөн жекшембиде өткөн президенттик шайлоодо Тадич шайлоочулардын 35% добушун алып экинчи орунда калды. Ал эми анын атаандашы ашкере улутчул партиянын лидери Томислав Николич 39% добуш менен биринчи орунду ээледи. Эми эки талапкер 3-февралда экинчи турда беттешет.