Бул тууралуу билдирген соода жана экономиканы өнүктүрүү министри Акылбек Жапаровдун айтымында, “Кыргызнефтегаз” ишканасы заманбап иштерди алып бара албай жатат. Орусиянын “Газпрому” берүүчү каражатка кыргыз тарап 100-200 млн. доллар каражат кошуп кендерди чалгындоо иштерин арттырып, үч жылдын ичинде Кыргызстандын мунайга болгон муктаждыгынын кыйла бөлүгүн канаатандырганга жетишишибиз керек, деди Жапаров. Ал ошондой эле Жогорку окуу жайларын менчиктештирүү, кесиптик техникалык окуу жайларына өкмөт көзөмөлдүк кылып, жаштардын кесиптик билимин жогорулатууну колго алуу маселесине да токтолду. (AJ)
