Нарында болгон тегерек үстөл жыйынына катышкандар Архитектура жана курулуш агенттигинин директору кызматынан Ишенбай Кадырбековдун негизсиз бошотулганына нааразылык билдиришти. Ишенбай Кадырбековду колдоо комитети бул маселе тууралуу президентке кайрылуу кабыл алды жана аны ордуна коюу жөнүндө талап менен жарандардан кол топтоо баштамакчы. “Курманбек Бакиев Ишенбай Кадырбековду эч кандай себепсиз өз ордунан алып салганы туура эмес. Эмгек кодексинин негизинде алыш керек. Оппозицияга кошулабыз, кол топтой баштайбыз”, - деп билдирди нарындык белгилүү саясатчынын жактоочусу Анипа Жутабаева. (JI)
