Ооган президенти Хамид Карзай эгер талибдер артыкчылык кылууга өтсө, анын өлкөсүн караңгылык жана хаос күтүп турганын белгиледи. "Вашингтон Пост" гезитиндеги интервьюсунда Карзай эл аралык коомчулукту ислам экстремисттерине каршы күрөштө жардам берүүгө чакырды. Ооган президентинин айтымында, Талибан кыймылы сырттан колдоого ээ, бирок Карзай ал колдоо кайсы тараптан экенин тактаган жок.
