Анда белгиленгенге караганда, Ички иштер кызматкерлери шек туудурган атуулдардын документтерин текшерүүгө, мыйзам бузуулар боюнча протокол түзүүгө, административдик чара көрүүгө, жеке буюмдарын, автоунааларын текшерүүгө, кылмыштан шектелгендерди же селсаяктык, тилемчилик кылгандарды кармоого, кармап, кайра бөлүштүрүүчү жайларга камоого укуктуу. Мындай аракеттер «Ички иштер органдары жөнүндөгү» мыйзамга ылайык жүргүзүлөт деп айтылат билдирүүдө. Укук коргоочулар ИИМдин кызматкерлерин «Селсаяк» операциясынын алкагында атуулдарды мыйзамсыз кармады деп сынга алууда. (BuS)
