Ал соода жана виза маселелерин карайт. Документке Сербиядагы президенттик шайлоонун экинчи айлампасында жеңүүчү аныкталгандан кийин 7-февралда кол коюлмакчы. Мындай макулдашуу Еврошаркеттин тышкы иштер министрлеринин кечээги жыйынында жетишилди. Ал эми Сербия менен Еврошаркет ортосунда стабилдүүлүк жана кызматташуу боюнча толук кандуу келишимдин түзүлүүсүнө Бельгия менен Нидерландия каршы чыкты. Алдыдагы жекшембидеги президенттик шайлоонун экинчи айлампасында Сербиянын батышчыл президенти Борис Тадичке орусиячыл жана улутчул Томислав Николич атаандаш болууда.
