“Демократия жана жарандык коом үчүн!” коалициясынын билдирүүсүнө караганда, шайлоо Кодексинин 77-беренесинин 7-пунктуна ылайык, Борбордук шайлоо комиссия парламенттик шайлоонун расмий жыйынтыгын жараяндан эки жума өткөн соң жарыялашы керек эле. Учурда шайлоо өткөнүнө бир айдан ашып калды, бирок шайлоочулар дагы эле расмий жыйынтыктар менен тааныша элек. Маалыматтын жоктугунан, Жогорку Кеңешке болгон мөөнөтсүз шайлоо таза жана ачык өткөнү күмөн жаратууда. Андыктан, БШКдан мамлекеттик массалык каражаттардын баардыгында шайлоонун расмий жыйынтыктарын жарыялоону суранабыз, - деп билдирет Коалиция. (JTo)
