Биринчи май райондук соту кечээ баштаган административдик иш боюнча отурумда кыймылдын мүчөсү Жибек Исмаилованы нааразылык акцияларын өткөрүү тартибин бузду деп 1000 сом айып салды. Ал эми Мирсулжан Намазалиевге байланышкан сот иши айыпкер тараптын өкүлдөрү келген жок деген коомдук жактоочунун дооматына ылайык бүгүнкүгө которулду. Анын соңунан калган тогуз адамдын ишин да сот карары күтүлүүдө. «Мен ишенбейм…» кыймылынын 11 мүчөсү парламенттик шайлоого нааразылык билдирип, Жогорку Кеңештин алдына чыкканда кармалышкан. (BuS)
