Бул тууралуу аталган долбоордун үстүндө иштеп жаткан комиссиянын мүчөсү Татьяна Ким “Азаттыкка” билдирди. “ Ушул тапта бийлик менен бизнес чөйрөнүн өкүлдөрүнөн турган эксперттик топ бул долбоордун үстүндө иштеп жатат. Учурда кошумча нарк салыгы менен социалдык төлөмдөрдүн өлчөмү канча болгондо ишкерлерге да бюджетке да пайдалуу болоорун эсептеп жатабыз. Долбоорду он беш күн аралыгында бүтүрсөк деп турабыз,”- деди Т.Ким. Салык кодексинин жаңы долбоорун иштеп чыгуу президенттин буйругу менен өткөн жылдын октябрь айында башталган. (AiJu)
