Кечээ Биринчи май райондук соту жаштар кыймылынын мүчөлөрү Мирсулжан Намазалиевге 2 миң сом, Азамат Мусакеевге 1000 сом айып салды. Ал эми Адилет Сүйүнаалы уулу менен Айчолпон Асанбаева акталышты. Бир күн мурда кыймылдын дагы бир өкүлү Жибек Исмаилова да 1000 сом айып тарткан. Парламенттик шайлоо тыянактарына нааразы болгон «Мен ишенбейм» кыймылынын 11 мүчөсүн 28-январда Жогорку Кеңештин алдынан милиция кармап, иштерин сотко өткөргөн. Аларга нааразылык акцияларын өткөрүү эрежелерин бузду, милицияга баш ийген жок деген айып тагылууда. (BuS)
