Уюмдун жетекчиси Динара Ошурахунова “Азаттыкка” билдиргени боюнча, учурда протоколдордун 62 пайызы иштелип чыкты. Коалиция өткөн жумада БШКдан 16-декабрда өткөн чукул парламенттик шайлоонун расмый жыйынтыгы менен тааныштырууну суранып, 2 жума мөөнөт берген. Эгерде бир жуманын ичинде БШК биздин өтүнүчүбүздү аткарбаса, биз сотко кайрылабыз, дейт Д. Ошурахунова. Уюмдун шайлоого байланыштуу отчету орус, кыргыз жана англис тилдеринде даярдалууда жана бир жумадан кийин коомчулукка жарыяланат. (MSu)
07:35 “Демократия жана жарандык коом үчүн” Kоалициясы шайлоонун жыйынтыгы боюнча отчетун даярдоодо
