АКШнын Борбордук чалгын кызматы сурак жүргүзүү учурунда сууга чөктүрүү ыкмасын үч ирээт колдонгон

Бул тууралуу кечээ Конгрессте сүйлөгөн учурунда ЦРУнун директору Майкл Хайден билдирди. Анын айтымыннда, бул ыкма үч жолу 2001-жылдын 11-сентябрындагы окуялардан кийин колдонулган. ЦРУнун директору ошондой эле "ал-Каида" уюму менен байланышы бардыгы үчүн шектелгендерден сурак учурунда ушундай ыкмага кириптер болгон адамдардын аты жөнүн да атады.