Жалпысынан 310 миң сомдук ал жардамды “Замандаш” партиясынын лидери Мухтар Өмүракунов Ошто зилзаладан жабыр тарткандарга тапшырып келгенин бүгүн “Азаттыкка” билдирди. Анын айтымында, бул акчанын ичинде 50 миң сом партиянын атынан, 260 миң сом мигранттардын атынан берилди. Папан айылындагы мектепке электр жылыткычтарын, ал эми Бекжар жана Лангар айылдарындагы эки мектепке балдардын тамак-ашына акчалай колдоо көрсөтүлдү, деп билдирди партиянын төрагасы. (TD)
