Медициналык жана фармацевтикалык илимдер багытында бүткүл орусиялык студенттер арасында эң жакшы илимий иштер боюнча жүргүзүлгөн ачык сынакка Славян университетинин медицина факультетинин студенттери Алиса Урапина, Салтанат Жунушалиева жана Анна Гордиенко баяндамаларын жиберип, жыйынтыктоочу илимий конференцияга катышууга жолдомо алышкан. Москвада өткөн илимий жыйында кыргызстандык студенттердин докладдары мыкты деп табылып, аларга медаль жана дипломдор ыйгарылды. Бул тууралуу «Азаттыкка» КРСУнун Медицина факультетинин деканы Анес Зарифьян билдирди. (ESu)
