Адвокат Сартбай Жайчибековдун билдиргенине караганда, республикалык аскер сотунун көчмө отуруму Жалалабад шаарында уланат. Көчмө отурум 10-январда башталып, күндүн сууктугуна байланыштуу убактылуу токтотулган. Кийинчерээк сот 6-февралга белгиленип, бирок, бир адвокаттын келбей калгандыгына байланыштуу болбой калган. Иштин экинчи баскычта каралышына жабырлануучулар менен адвокаттардын арыздары себеп болгон. Гарнизондук сот Аксы окуясы боюнча мурдагы облпрокурор Кудайбергенов менен, облмилициянын мурдагы башчысы Кубанычбек Токобаевди 3 жылдык сыноо менен 5 жылга шарттуу кескен. (BuS)
